“MALA-SMOKE BELCHING”

images (3)

Isang umaga, kinailangan kong lumabas ng ‘school’ para magpa-xerox ng isang ‘activity ‘ namin para sa ‘Physics’. At dahil maaga pa ng mga oras na ‘yon, naisip ko… “siguro naman, wala pang mga tambay na naninigarilyo roon.” Palagi nalang kasing may mga estudyante’t propesor na nagbubuga… literal na nagbubuga ng usok.  Akala mo nga’y mga tambutso ng sasakyan kung sila’y  maglabas ng usok,  mga ‘mala-smoke belchers’nga  kung ihahalintulad sa sasakyan.  Nasa tabi pa naman din ito ng eskuwelahan. Isama mo pa ang mga usok ng sasakyan. Kaya naman sa tuwing magpupunta roon ay talagang kailangang may panyong dala. Kailangang may panakip ng ilong dahil paniguradong hindi ka makakahinga dahil sa mga usok na naaamoy mo.

Nakakabahala ito gayong meron namang nakalagay na “No Smoking” sign sa tindahang ito, na mismong sila rin nga ay nagbibili ng sigarilyo. At isa pa, may salitang isiningit sa maliit na karatulang ito. Dinagdagan sa ibaba ng salitang “inside” kaya naman naging “No Smoking Inside” na. Oo nga naman. Malinaw na bawal manigarilyo sa loob ng tindahan nila kaya naman sa labas nagpupunta ang mga nagsisindi. Ganun din.

Para sa kaalaman ng lahat, meron batas ang Pilipinas para sa regulasyon ng pagbe-benta ng mga produktong tabako. Nakasaad sa Seksyon 10 ng RA 9211 o “Tobacco Regulation Act of 2003” na  ang pagbebenta o pamamahagi ng produktong tabako ay ipinagbabawal sa loob ng isang daang (100) metro mula sa anumang punto ng paaralan, pampublikong palaruan o iba pang mga pasilidad na madalas na binibisita lalo na ng mga menor de edad. Malinaw, hindi po ba? Malinaw na paglabag ito ng batas. Tignan ang website na ‘to. http://www.gov.ph/2003/06/23/republic-act-no-9211/.

Nakakapagtaka rin na walang ginagawa ang pamunuan ng eskwela tungkol dito. Kung sa bagay, wala naman sa Mission at Vision ng school na bawalan ang mga estudyante nito na manigarilyo at maging adik dito. Teka, sa ‘’institutional core values’’ pala nitong may ‘acronym’ na “ACHIEVER”, inaasahan ng institusyong ito na maging “RESPONSIBLE” sa komunidad ang lahat ng magiging graduate nito. Anong nangyari? Ituro rin sanang maging responsable rin sana sa kalusugan at kapwa.

Narito ang ilang komento ng mga estudyante:

Sabi ni Judy, “masama yung nagiging tingin ng mga‘outsider’ sa school natin kasi andaming naninigarilyo. Dapat lang na pag-bawalan sila.”

”Alam naman nilang masama sa kanila ‘yon pero nagtataka ako kung bakit ginagawa pa rin nila. Dapat kasing ipag-bawal nila ang pagtitinda ng sigarilyo sa tabi ng ‘school’. Nakaka-apekto rin ito sa imahe ng school kaya dapat lang na gumawa sila ng aksyon,” wika naman ni Kate.

Sa palagay naman ni Rhenalyn, “kabawasan ng respeto sa paaralan natin ang paninigarilyo ng mga kapwa natin estudyante. Nagiging masamang impluwensiya tuloy sila sa iba. Ang tingin kasi ng iba ay ‘cool’ ang paninigarilyo kaya naman possible ring gayahin.”

“Maglagay siguro dapat ng paalala o karatula tungkol sa kung gaano kalayo lamang maaaring magbili ng sigarilyo. Nakakasira kasi ito sa paaralan,” suhestiyon naman ni Renz.

Idagdag rin natin ang kakulangan o sabihin na nating wala talagang pagkilos ng lokal na gobyerno sa bagay na ‘to. Buti pa ang ibang siyudad. Seryoso silang maging “smoke-free city” katulad na lamang ng siyudad ng Balanga na noong ika-27 ng Agosto 2014 ay pinarangalan pa bilang isang  “Smoke-Free City”  ng  Southeast Asia Tobacco Control Alliance (SEATCO) sa mahusay na pagtupad sa pangako nitong protektahan ang kalusugan ng bawat mamamayan nito.* Bisitahin ang ‘website’ ng City of Balanga.(http://cityofbalanga.gov.ph/seatca-smoke-free-city-award-given-to-balanga-city/)

Ang sulating ito ay hindi isang porma ng pagbabatikos kundi isa lamang paalala… paalala na lahat ng institusyon ay kailangang magsama-sama at maging magkatuwang para sa ikauunlad at proteksyon ng kalusugan ng lahat maliban na lamang kung ang institusyon pala ay walang paghahalaga sa buhay.

Lahat tayo ay may parte sa lipunan. Dapat lamang na makiisa upang maging isa… maging isa para sa mithiing mapaunlad at mapangalagaan ang kalusugan ng bawat isa.

Oh, itigil na ang paninigarilyo. Huwag pasaway! Tama na ang pagiging adik sa nikotina!

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Baguhin )

Google+ photo

You are commenting using your Google+ account. Log Out /  Baguhin )

Twitter picture

You are commenting using your Twitter account. Log Out /  Baguhin )

Facebook photo

You are commenting using your Facebook account. Log Out /  Baguhin )

Connecting to %s